295
محمد نجيب كومينة
َباش تعارف التيار/ الكورون مادايزش بين هذا الحكومة وبين السياسة، و باللي منطق الهولدينغ هو اللي غادي يخدم و السي اخنوش غادي يتخلطو ليه لعرارم مع الخدامة/الوزراء، لابد من سماع وزيرة الاقتصاد والمالية مطررة بعطار الحكومتين السابقتين اللي كانت هي نفسها وزيررة فوحدة مننها وكان الحزب اللي توزرات باسمو هو اللي قابط القطاعات الوزاريية المؤثرة في الاقتصاد والنمو بالدرجة الاولىى، يعني الفلاحة والصيد البحري والاقتصاد والمالية والادارة العمومية والاسعار والمنافسسة والتجاررة والصناعة و الخدمات والسياحة والصناعة االتقليدية
الى كانت 10 سنين الفايتة ضايعة و النمو ضعيف وما تجاوزش جوج وشويا فلمية هي ما فيديكومش و فشلتو كيف فشلو حلفاءكم اللي عولو عليكم تجيبو ليهم النتائح صدقتو جبتو ليهم ارواس
الادارة اللي كتبات الخطاب اديال الوزيرة قالت اللي بان ليها واعطات التقييم اديالها والوزيرة باين قرات وما دات ما جابت ومارداتش البال باللي ضربات راسها واعطات قتلة لوزراء حزبها اللي بقات منهم هي والشاف لكبير اديال الشركة القابضة الحكومية هذي بحال داك البيت اللي تماركا علينا فالماتش مع ايران فالمونديال
عاد واحد تخليطة فالحديث على محددات النمو فهذا السنة ما تجمعاتش فيها الطالع والنازل