719
عينت وزيرة والتحقت بالمكتب السياسي لحزب الاحرار في سبعة ايام، بلا صداع اديال المؤتمر والهيئات المقررة. المهم عندها الحبة وعندها الدعم اديال امالين الحبة
وقال ليك هذو بغاو يرجعو بهم الثقة فالسياسة وباغيينهم يحكمونا بعد 2021
الفلاس ما كيعطي غير الفلاس
واللي عول على حزب بيريمي من زمان وعلى ناس مخلطين عندهم لعرارم وما كيميزوش بين حزب وفيرمة عول على لخلا
اللي كيصايبو السيناريوهات اديال هدشي يمكن كيعتبروا المغاربة واكلين الخرشاشة ويمكن يقولو ليهم باللي الطوبة فيل والقطة اسبع والدبانة طيارة واخنوش زعيم تاريخي مؤهل لقيادة المغرب لتطبيق النموذج التنموي الجديد وينوضو يضربو عليهم اسوارت الربح.
كيظهر والله اعلم ان الما اللي كيشربوه شي بعضين دايزة فيه شي حاجة ماشي هي هذيك، داكشي باش كيتلفو الحساب وكينساو باللي السكوتي اصعب من الهرهوري.
محمد نجيب كومينة / الرباط