510
خفيف ظريف قبل الديربي ..رسالة خاصة للأخ اوسامة بنعبدالله الذي اطل علينا اليوم بإحصائيات وارقام خاصة بالديربي البيضاوي بين فريقي الرجاء والوداد .
اسي اوسامة باش تكون مرجع ديال الأرشيف خاص يكون عندك كتب ومجلات وجرائد قديمة ومستندات ووثائق خاصة مثل الاخوان يوسف بنعاشور عبدالعالي امغناس حمادة حيحي نورالدين عقاني ادريس كيسامي امين لعناية معاد كنينيس محمد ديمتريو مجموعة أخرى اعتذر لعدم ذكر اسمائهم .هاد الناس عندهم كل كبيرة وصغيرة عن الكرة الوطنية وفيهم اللي يقدر يعطيك ارقام الاحدية ديال اللعابة مثل الاخ حمادة حيحي ..والارشيف اسي اوسامة هو هواية هو عشق وليس مهنة استرزاقية.
تدقيق المعلومات كيبغي السهر والبحث في المراجع الحقيقية ماشي في موقع ويكبيديا اللي كيعتمدواعليه مجموعة من الكسلاء كمصدر .
ونزيدك اسي اوسامة را كين حتى اسماء’مسجلي اهداف الديربي لا بالنسبة للوداد ولا بالنسبة للرجاء سواء في البطولة او كاس العرش ولو ان منهم من رحل عنا تغمده الله بواسع رحمته .اغلب اللاعبين اللي سجلوا في الديربي راحنا كنمشيو عندهم حتى لديورهم وكنعرفوهم معرفة حقة من الطرفين بكل روح رياضية ..
نصيحة للسي اوسامة لاتعتمد في مصادرك التاريخية على غوغل ولا ويكيبيديا واتحداك تحط منشور عندك فيه خمس كتب عن تاريخ كرة القدم الوطنية .ولا شي صورة مع جيل السبعينات ولا الثمانينات ولا حتى التسعينات لأنك لم تكن لك علاقة بكرة القدم اصلا ..
ولكن فاش دارت ليام ولقيتي فيها ..الكًاميلة..كيفما قال صديقنا لفريخ فخرالدين رجحي. دخلتيها من باب الصحافة
لأننا أصبحنا في زمن الكل مباح من أجل البووووز..
ارجوك اخي اوسامة راجع اوراقك ولاتبيع الخوا الخاوي لمتابعيك..والسلام عليكم في انتظار الرد ان كنت مستعد.
رشيد البوهالي / البيضاء