308
َواش هذو ضربهم سيدي شيكر والا اهرب ليهم لفريخ والا حالفينها فالمتقاعدين والموظفين.
بعدما ضصرهم بنكيران، ودوز اللي دوز بصباطكم، بنشعبون اظهر ليه وجاب ليه الحساب، واللي كيحسب بوحدو ديما كيشيط ليه، باللي خصو يطلع اقتطاعات الموظفين برسم التقاعد ب 11 نقطة، من 22% الى 39%.
وبطبيعة الحال بنشعبون والعثماني باغيين يعصروه على مايسمى بالفئات الوسطى باش يخليو لاصحابهم بحال اخنوش على خاطرهم ويخفضو ليهم الضريبة على الشركات ويعفيوهم من الضريبة على الثروة والضريبة على القيمة المضافة على مواد اللوكس (30%).
حكومة العثماني غادي تكمل اللي بداتو حكومة بنكيران، ووخا كاع يقطعو الارزاق غادي يصوتو عليهم كثير من الموظفين والمتقاعدين على حقاش التفكير فالحياة غادي وكيضعاف فهذا البلاد.
محمد نجيب كومينة / الرباط